Varşava toplantısında Kəlbəcər girovlarından danışılıb - VİDEO
Tədbirdə ATƏT üzvü olan 57 ölkənin nümayəndələri – səfirlər, diplomatlar, beynəlxalq təşkilatların rəhbərləri, habelə hüquq müdafiəçiləri və ictimai-siyasi fəallar iştirak ediblər.
“Beynəlxalq qanunvericilik və onun ATƏT üçün əhəmiyyəti” mövzusunda keçirilən müzakirələrdə yaxından iştirak edən Azərbaycan Demokratiya və İnsan Haqları İnstitutunun rəhbəri Əhməd Şahidov beynəlxalq qanunvericiliyin effektsizliyi barədə danışıb və Azərbaycanlı girovlar Dilqəm Əsgərov və Şahbaz Quliyev haqqında məlumat verib.
Dilqəm və Şahbazın fotolarını nümayiş etdirən hüquq müdafiəçisi Əhməd Şahidov Ermənistan hakimiyyətini sərt tənqid edib, ATƏT və digər beynəlxalq qurumların bu məsələyə laqeyd yanaşdığını xüsusi vurğulayıb.
Teqlər: