İbrahimbəyov daha 6 gün vahid namizəd olacaq

  12 Avqust 2013    Oxunub : 525
İbrahimbəyov daha 6 gün vahid namizəd olacaq
Milli Şura avqustun 18-i, saat 17:00-da ümumrespublika mitinqi təyin edib.
Milli Şuranın 2 saatdan çoxdur davam edən sessiyası başa çatıb. Mətbuata açıqlama verən şura üzvləri avqustun 18-nə təyin olunan mitinqdən danışıb.

Şura avqustun 18-də mitinq keçirmək üçün Bakı Şəhər İcra Hakimiyyətinə müraciət edib. Müraciətdə 4 yer göstərilib. Bu barədə jurnalistlərə açıqlamasında KXCP sədri Mirmahmud Mirəlioğlu deyib. O bildirib ki, Milli Şuranın aksiyası avqustun 18-ı təyin olunub: “Biz bu barədə Bakı Şəhər İcra Hakimiyyətinə müraciət etmişik. Aksiyanın keçiriləcəyi yeri BŞİH müəyyən edəcək”.

Avqustun 19-da Şuranın növbəti sessiyası keçiriləcək və bu sessiyaya qədər Milli Şuranın vahid namizədi Rüstəm İbrahimbəyov olaraq qalacaq. Demokratik qüvvələr yeni vahid namizədlə bağlı razılığa gələ bilməyib.

Milli Şuranın bu gün keçirilən sessiyasında Rüstəm İbrahimbəyovun quruma göndərdiyi məktub da müzakirə olunub. Mirmahmud Mirəlioğlunun sözlərinə görə, İbrahimbəyovun namizədliyi sonacan müdafiə olunacaq.

Teqlər: