AzVision.az Türkiyə KİV-inə istinadən xəbər verir ki, bunu Türkiyənin xarici işlər naziri Mövlud Çavuşoğlu bildirib. Onun sözlərinə görə, rəsmi Berlin davamlı olaraq anti-Türkiyə mövqeyində olanları qəbul edir: “Almaniyadan terrorçu PKK qruplaşmasının bu ölkədəki 4 min üzvünü istədik. Birini də vermədilər. PKK Almaniyanın hər şəhərində Türkiyədə terrorçuluq fəaliyyətilə məşğul olanlar üçün pul toplayır. Biz deyirik: Türkiyə tərəfindən pis münasibət görmüsünüz? Problem nədədir? Bəlkə bizə paxıllıq edirsiniz. Almaniya FETÖ-ya da qucaq açıb”
XİN rəhbəri əlavə edib ki, Türkiyə Almaniya ilə bu problemləri müzakirə etməyə hazırdır, amma bunun üçün ölkələr bir-birilərinə hörmət etməlidir.
Çavuşoğlu “Almaniyanın xarici işlər naziri Frank-Valter Ştaynmayeri telefonda gözlətdiyiniz doğrudurmu” sualına cavabında: “Onun mənimlə danışmaq istədiyi zaman başqaları ilə görüşmüş ola bilərəm. Bütün hallarda nə zaman imkanımız olsa, onda görüşərik”- deyə cavablandırıb.
İlkin Nəcəfzadə
AzVision.az