Türkmənistanda FETÖ əməliyyatı - 19 iş adamı tutuldu

Türkmənistanda FETÖ əməliyyatı - 19 iş adamı tutuldu
  14 Noyabr 2016    Oxunub:2065
Türkmənistanın Ahal vilayətində xüsusi xidmət orqanlarının keçirdiyi əməliyyat zamanı 19 nəfər saxlanılıb.
Bu barədə AzVision.az Türkmənistan KİV-nə istinadən xəbər verir.

Məlumata əsasən saxlanılanların böyük əksəriyyəti biznesmenlərdir. Onların hamısı Türkmənistan -Türkiyə məktəbləri və ya Türkiyə universitetlərinin məzunlarıdır. Onlar Fətullah Gülənin yaratdığı “Hizmət” hərəkatı ilə əlaqədə şübhəli bilinirlər.

Nəşr xatırladır ki, sentyabrın 13-də Türkmənistan və Türkiyə prezidentləri arasında telefon danışığı olub. Rəsmi məlumatlara əsasən, liderlər bir sıra regional və beynəlxalq məsələləri müzakirə ediblər. Qeyri-rəsmi məlumatlara görə, telefon danışığı zamanı söhbət “bütün region üçün təhlükə törədə biləcək” Gülən tərəfdarları ilə birgə mübarizədən gedib.

Eldar Tanrıverdiyev
AzVision.az


Teqlər:  





Xəbər lenti


Azvision.az ©2014 | Bütün hüquqları qorunur