Türkiyə 6 ildən sonra İsrailə səfir təyin etdi
Türkiyə və İsrail hökumətləri tərəfindən təsdiqləndikdən sonra səfirlərin qısa müddətdə fəaliyyətə başlayacağı gözlənilir.
Artıq İsrail də Türkiyəyə yeni səfir təyin edib. Tel-Əvivin Ankaradakı maraqlarını Eitan Naeh qoruyacaq.
Qeyd edək ki, iki dövlət arasında münasibətlər 2010-cu il mayın 31-də kəsilib. Həmin dövrdə Fələstinin Qəzza bölgəsinə humanitar yardım aparan Türkiyənin "Mavi Mərmərə" gəmisinə İsrail hərbçiləri basqın edib. Nəticədə Türkiyənin 9 vətəndaşı öldürülüb. Bu il iyunun 29-da İsrail hökuməti Türkiyə ilə normallaşma razılaşmasını təsdiqləyib.
İlkin Nəcəfzadə
AzVision.az