Tehranda 412 nəfər çirkli havadan ölüb
Tehran Şəhər Şurasından bildirilib ki, oktyabrın 21-dən noyabrın 13-dək Tehranda havanın çirkliliyinə görə ölənlərin sayı 412 nəfərə çatıb.
Dünya Səhiyyə Təşkilatının statistikasına əsasən hava kirliliyi ucbatından İranda hər il 26 min nəfər ölür. İran Səhiyyə Nazirliyi bu səbəbdən təkcə Tehranda hər il 6 min nəfərin öldüyünü açıqlayıb.
Tehranda havanın çirklənməsinə səbəb olan başlıca amil nəqliyyat vasitələridir. Şəhərdə əhalinin 40 faizi ictimai nəqliyyatdan istifadə edir, 60 faizi isə öz şəxsi avtomobili ilə hərəkət edir. Tehran planetin ən çirkli şəhərlərinin siyahısında yer alır.
AzVision.az