Bakı Şəhər Halqası `zamanı dondurdu`: Maraqlı fləşmob - VİDEO

  19 Noyabr 2016    Oxunub : 8874
Bakı Şəhər Halqası `zamanı dondurdu`: Maraqlı fləşmob - VİDEO
Hazırda bir çox avtoyürüş komandaları populyar olan fləşmob çərçivəsində “zamanı dondurmağa” çalışırlar.

AzVision.az f-1.az-a istinadla xatırladır ki, bütün dünya ictimaiyyəti yeni fləşmoba qoşulub – virtual məkan Harlem Shake və İce Bucket Challenge fləşmoblarından sonra yeni virusa yoluxub: Mannequin Challenge. Fləşmobun tarixi Florida ştatının Ceksonvill məktəbinin şagirdlərinin videosu ilə başlayıb – şagirdlər bir müddət donaraq hərəkətsiz qaldıqlarını kameraya köçürdükdən sonra internetdə yaymışdılar.

Fləşmobun məqsədi “zamanın dondurulması” effektini göstərməkdir – bir qrup insan hərəkətsizliyini saxlamalıdır, bu zaman çəkiliş aparan şəxs onların arası ilə hərəkət etməlidir. Mannequin Challenge-ə onlarla idman və şou-biznes ulduzları da qoşulub. Artıq növbə avtoidmana da yetişib.

Birinci olaraq Formula E seriyasında yarışan Virgin Racing komandası rəsmi YouTube kanalında yarışın ortasında maşının dəyişməsi prosesində “zamanı dondurmuşdu”:



Bundan sonra Dünya Dözümülülük Çempionatının (WEC) Signatech Alpine komandası yarışın gedişində pit-stop və sürücünün dəyişməsi anını “dondurub”…

Onların bu günlərdə Bəhreyndə yarışan ByKolles komandasından olan həmkarları da öz videolarını yayıblar:



Phoenix Raceway trasının əməkdaşları NASCAR Trucks komandasının sürücüsü Daniel Suaresin qələbəsini bayram etməsini “dondurublar”. Dünya Ralli Çempionatının (WRC) M-Sport komandası da fləşmoba qoşulub.



Britaniya mətbuatında WEC Aston Martin komandasının videosu reytinqlərə başçılıq edir:



Amma bizim fikrimizcə, Bakı Şəhər Halqası (BŞH) Əməliyyat Şirkətinin əməkdaşlarının ofisdə “zamanı dondurmaları” daha maraqlı alınıb…




Teqlər: