Lavrov yenə Qarabağdan danışdı

Lavrov yenə Qarabağdan danışdı
  09 Dekabr 2016    Oxunub:1830
“ATƏT-in Minsk qrupu formatında daha əvvəl razılaşdırılmış prinsiplər əsasında Dağlıq Qarabağ münaqişəsinin nizamlanması üzrə səylərin davam etdirilməsi məsələsində tam yekdillik var”.
AzVision.az-ın xəbərinə görə, bunu Rusiyanın xarici işlər naziri Sergey Lavrov Hamburqda keçirdiyi mətbuat konfransında deyib.

Onun sözlərinə görə, rəsmi Moskva Vyana və Sankt-Peterburqda əldə olunan razılıqlara münasibəti hamıya bəllidir: “Hesab edirəm ki, bu görüşlərdə əldə olunan razılıqlar sənəddə təsdiqini tapmalıdır. Razılıqlara əsasən, atəşkəs rejimi təsdiqlənməli, ATƏT müşahidəçilərinin sayı çox yox, 7 nəfərə qədər artırılmalı idi. Hələ ki, onların harada yerləşdiriləcəyi barədə konsensus mövcud deyil”.

Nazir əlavə edib ki, təmas xəttində atəşkəs rejiminin pozulması narahatedici məqamdır.

İlkin Nəcəfzadə
AzVision.az


Teqlər:  





Xəbər lenti


Azvision.az ©2014 | Bütün hüquqları qorunur