ABŞ-ın yeni seçilən prezidenti Donald Tramp ölkənin dövlət katibinin adını açıqlayıb. Tramp bu vəzifəyə ABŞ-ın ən böyük neft şirkəti olan “ExxonMobil”in rəhbəri Reks Tillersonun namizədliyini irəli sürüb.

AzVision.az xəbər verir ki, Reks Tillerson 23 mart 1952-ci ildə Texas ştatının Uiçito-Fols şəhərində anadan olub. O, ABŞ-ın Oklohama və Texas ştatlarında böyüyüb.

1975-ci ildə Ostində yerləşən Texas Universitetində mühəndis işi fakültəsində təhsil alıb. O, “ExxonMobil” şirkətində karyerasına başlayıb, 1980-ci ilin ortalarında korporasiyanın qaz departamentində biznesin inkişafı xidmətinə rəhbərlik edib.

2006-ci ildən şirkətin direktorlar şurasının sədri və baş icraçı direktorudur.



2011-ci ildə “ExxonMobil” şirkəti İraq Kürdüstanında neft hasilatı üzrə müqavilə imzalayıb. Bununla şirkət İraq qanunlarını pozub və Vaşqintonun hiddətinə səbəb olub.

Tillerson bir neçə on illdir ki, ABŞ-dan xam neftin ixracına qoyulan qadağının ləğv olunması, həmçinin sıxılmış qazın ixracına dair məhdudiyyətlərin aradan qaldırılması istiqamətində işlər görüb.

“Exxon” 2014-cü ildə Tillersonun rəhbərliyi altında 34 milyard dollar dəyərində xalis gəlir əldə edib və 80 milyard dollar vergi ödəyib.

Bundan əlavə korporasiya 2014-cü ildə sanksiyaların tətbiq olunmasına baxmayaraq, Rusiyanın “Rosneft” şirkəti ilə əməkdaşlığı davam etdirib.

“Forbes” jurnalı 2015-ci ilin yekunlarına əsasən Tillersonu dünyanın ən nüfuzlu insanları siyahısında 25-i yerdə göstərib. (2014-cü ildə 20-ci yeri tutub-red).



2016-ci ilin dekabrında Tillersonun adı Donald Trampın prezidentliyi dövründə dövlət katibi postuna namizədlər kimi göstərilirdi.

Dekabrın 6-da ABŞ prezidenti seçilən Donald Tramp Nyu-Yorkda Tillersonla görüş keçirib.

“The Wall Street Journal” nəşri Tillersonun Rusiya prezidenti Vladimir Putinlə yaxın əlaqələrinin olması barədə məqalə dərc edib. İddialara əsasən Tillerson Putinlə 1990-ci illərdə “Exxon”un maraqlarını Rusiyada təmsil etdiyi vaxt tanış olub.

ABŞ-ın sabiq müdafiə nazirinin müavini Con Hamr Tillersonu Henri Kissencerdən sonra Putinlə ən çox əlaqə saxlayan amerikalı adlandırıb.

2012-ci ildə o açıq şəkildə bəyan etmişdi ki, qlobal istiləşmə ilə əlaqədar istixana qazları ilə mübarizə aparmaq lazım deyil, onun əvəzinə dünya okean səviyyəsinin artırılması və hava şəraitinin dəyişməsinin nəticələrinin aradan qaldırılması üçün mühəndis-istehkam işləri aparılmalıdır.



Rusiya prezidenti Vladimir Putinin 20 sentyabr 2012-ci ildə imzaladığı sərəncamla Tillerson “Dostluql” ordeni ilə təltif olunub.

Tillerson evlidir. Ailəsi ilə bağlı əlavə məlumata rast gəlinmir.

Eldar Tanrıverdiyev
AzVision.az