Sarkisyan seçki təyin etdi - Aprel döyüşləri günü
Sarkisyan bununla bağlı müvafiq sərəncam imzalayıb. Ermənistan prezidentinin rəsmi internet səhifəsində yer alan məlumata görə, parlament seçkiləri 2017-ci il aprelin 2-də keçiriləcək.
"Ölkə üzrə ümumilikdə 38 seçki məntəqəsi fəaliyyət göstərəcək. Bunlardan 10-u paytaxt İrəvanda, digərləri isə əyalətlərdə olacaq"-, deyə Ermənistan Mərkəzi Seçki Komissiyasından bildirilib.
Qeyd edək ki, Sarkisyanın seçkiləri 2 aprel tarixinə təyin etməsi heç də təsadüf deyil. Həmin gün aprel döyüşlərinin 1 ili tamam olacaq.
Xatırladaq ki, Ermənistanda sonuncu parlament seçkiləri 2012-ci ildə keçirilib.
Türkan Məmmədli
AzVision.az