“Qəbələ” futbol klubu qış fasiləsində ilk transferini gerçəkləşdirib.
AzVision.az-ın klubun rəsmi saytına istinadən verdiyi məlumata görə, “qırmızı-qaralar” Azərbaycan milli komandasının futbolçusu Araz Abdullayevi heyətinə qatıb.
24 yaşlı yarımmüdafiəçi ilə 2 illik müqavilə imzalanıb. Karyerası ərzində Azərbaycanda yalnız “Neftçi”nin heyətində çıxış edən A.Abdullayev 2008-2011 və 2012-2016-cı illərdə bu klubun formasını geyinib. 2011-2012-ci illərdə müqavilə ilə İngiltərə “Everton”una məxsus olan yarımmüdafiəçi icarə əsasında 2012-ci ilin ilk yarısındə Yunanıstanın “Panionios” klubunda legioner həyatı yaşayıb.
Azərbaycanın U-17, U-19 və U-21 yığmalarında oynamış A.Abdullayev ölkəmizin əsas millisində 2008-ci ildə debüt edib. O, yığma komandada 20 oyun keçirib.
AzVision.az
Araz Abdullayev `Qəbələ`yə keçib
31 Dekabr 2016
Oxunub:3672
Vaxtında, Aydın, Lazımlı!
_1512566280_1512579447.jpg&h=120&w=187&zc=1&q=70')
a-1727681504.jpg&h=200&w=200&zc=2&q=70)
