Azərbaycan Lapşini gətirmək üçün Minskə təyyarə göndərib - KİV

Azərbaycan Lapşini gətirmək üçün Minskə təyyarə göndərib - KİV
  27 Yanvar 2017    Oxunub:4057
"Haaretz" qəzetinin yaydığı xəbərə görə, İsrail diplomatlarının bloqqer Aleksandr Lapşinin Azərbaycana ekstradisiya edilməməsi ilə bağlı səyləri nəticəsiz qalıb.

AzVision.az xəbər verir ki, qəzetin məlumatına görə, Azərbaycan bloqqerin ekstradisiyası üçün Minskə təyyarə göndərib.

Bu məsələ ilə bağlı Azərbaycan və İsrail tərəfindən hələ ki, rəsmi açıqlama verilməyib.

Qeyd edək ki, ötən gün Azərbaycanın sorğusu əsasında Minskdə həbs olunmuş bloger Aleksandr Lapşinin Belarus Baş Prokurorluğunun onun Azərbaycana verilməsi barədə çıxardığı qərardan verdiyi apellyasiya şikayətinə baxılıb. Qapalı keçirilən prosesdə Minsk Şəhər Məhkəməsi şikayəti təmin etməyib.

"Məhkəmə Lapşinin Azərbaycana verilməsi haqqında Azərbaycan Baş Prokurorluğunun xahişinin təmin olunmasına dair Belarus baş prokurorunun müavini Stukun 17 yanvar tarixli qərarını qanuni hesab edib, Lapşinin şikayətini təmin etməyib", - deyə qərarda bildirilib.

Xatırladaq ki, A. Lapşin 2011-ci ilin aprelində və 2012-ci ilin oktyabrında Azərbaycanın işğal altındakı ərazilərinə qanunsuz səfərlər edərək separatçı rejimin təbliğatı ilə məşğul olub. O, Azərbaycanın ərazi bütövlüyünə qarşı çağırışlar edib. Azərbaycan Baş Prokurorluğu onun barəsində Cinayət Məcəlləsinin 281.2 (dövlətə qarşı açıq çağırışlar) və 318.2 (sərhədi qanunsuz keçmək) maddələri ilə cinayət işi qaldırıb və Lapşin beynəlxalq axtarışa verilib.

A. Lapşinin Rusiya və İsrail vətəndaşlığı var.

Eldar Tanrıverdiyev
AzVision.az


Teqlər:  





Xəbər lenti