“Qarabağda mövcud status-kvo qəbuledilməzdir” - Olland

“Qarabağda mövcud status-kvo qəbuledilməzdir” - Olland
  15 Mart 2017    Oxunub:2122
"Uzun müddətdir davam edən Dağlıq Qarabağ münaqişəsinin həlli yolunu tapmaq mümkündür". Bunu martın 14-də Parisdə Fransa Prezidenti Fransua Olland Azərbaycan Prezidenti İlham Əliyev ilə birgə mətbuata bəyanatla çıxışında deyib.
Olland qeyd edib ki, Dağlıq Qarabağ münaqişəsində mövcud status-kvo qəbuledilməzdir: "Risklər var və biz bunu keçən ilin aprel ayında baş verən insidentdən də gördük. Biz danışıqların yenidən bərpa olunmasını arzulayırıq. Minsk qrupunun həmsədri kimi istəyirik ki, digər həmsədrlər - ABŞ və Rusiya da bu prosesə töhfə versin. Düşünürük ki, parametrlər bəllidir və uzun müddətdir davam edən bu münaqişənin həlli yolunu tapmaq mümkündür. Hesab edirik ki, hər dəfə sülhə töhfəmiz beynəlxalq səviyyədə həyata keçirmək istədiyimiz fəaliyyətin və qurmaq istədiyimiz münasibətlərin məğzidir. Xüsusilə də gərginliklər olanda və hazırda Avropa ilə Türkiyə arasında olan vəziyyətdə. Bizim rolumuz aydın şəkildə bildirməkdir ki, nəyi qəbul edirik, nəyi qəbul etmirik. Avropa ilə Türkiyə arasında olan münasibətlərin sabitləşməsi üçün də töhfəmizi verməliyik. Digər mövzularda olduğu kimi, bu mövzu ilə də bağlı dialoqu təşviq etməliyik".

AzVision.az


Teqlər: Fransa   Azərbaycan   Olland   Qarabağ  





Xəbər lenti