AzVision.az xəbər verir ki, bunu dünya şöhrətli “Formula 1” pilotu Devid Kulthard Bakıda keçirdiyi mətbuat konfransında deyib. Kulthard növbəti yarış üçün hazırlıq işlərində böyük irəliləyişin olduğunu bildirib:
“Bakıya gəldiyim andan etibarən gördüyüm qonaqpərvərlik olduqca möhtəşəm idi və bu ötən il Bakıda birinci dəfə keçirilən “Formula 1” yarışı ərəfəsində bura etdiyim səfər zamanı yaranmış ilkin təəssuratlarımı bir daha təsdiqlədi. Həqiqətən də Bakının sahib olduğu tarixi və müasir gözəllikləri, həmçinin özündə daşıdığı şərq və qərb mədəniyyətinin izləri baxımından ziyarət olunacaq möhtəşəm şəhərdir. Mən əminəm ki, bu ilin yayında burada baş tutacaq növbəti “Formula 1” yarışı ötən ildəkindən daha maraqlı olacaq. Xüsusilə, trekin dar hissələri 2017-ci ilin eyni təkərli bolidləri üçün daha da çətinlik yaradacaq. Nəticədə biz bu il daha gərgin mübarizənin şahidi olacağıq. Mən həqiqətən də bu yay yenidən Bakıya qayıtmağı səbirsizliklə gözləyirəm”.
Devid Kulthard qeyd edib ki, Azərbaycan üçün motoidman yenidir: “Lakin mən əminəm ki, bu idman növündən gözəl miras yaradılacaq. Azərbaycanda bunun üçün bütün imkanlar var”.
Bu gün baş tutan trek gəzintisindən başqa, D.Kulthard yerli azarkeşlərin iştirakı ilə paytaxtda baş tutacaq bir sıra tədbirlərə də qatılacaq. O, həmçinin Bakı Şəhər Halqası Əməliyyat Şirkətinin kollektivi ilə görüş keçirəcək.
Eldar Əlvanoğlu
AzVision.az
"Builki "Formula 1" yarışı daha maraqlı olacaq" - Devid Kulthard
15 Mart 2017
Oxunub:1482
“2017 "Formula 1" Azərbaycan Qran Prisi öncəsi Bakıya dəvət olunmağım mənim üçün böyük şərəfdir. Tam əminəm ki, bu ilin yayında Bakıda baş tutacaq növbəti Formula 1 yarışı ötən ildəkindən daha maraqlı olacaq”.
Teqlər: Formula1 Azərbaycan DevidKulthard
Vaxtında, Aydın, Lazımlı!
_1512566280_1512579447.jpg&h=120&w=187&zc=1&q=70')
a-1727681504.jpg&h=200&w=200&zc=2&q=70)
