“Qarabağ münaqişəsi vasitəçi olmadan həll edilməlidir” - Lukaşenko
Onun sözlərinə görə, məsələnin həlli ilə münaqişə tərəfləri məşğul olmalıdır: “Bu bizim, mənim məsələm deyil. Bizim edə biləcəyimiz heç nə yoxdur. Lakin Ermənistan prezidenti və ya Ermənistanda, həmçinin Azərbaycanda mənim mövqeyimi soruşanda, harada olmağımdan asılı olmayaraq deyirəm ki, insanlar ləyaqətli yaşamağa layiqdirlər. Bu gün Dağlıq Qarabağda insanlar yaxşı və layiqincə yaşadığına inanmıram. Mövqeyimiz bundan ibarətdir ki, Ermənistan və Azərbaycan heç bir vasitəçi olmadan masa arxasına oturmalı, məsələni həll etməlidir. Əgər onlar kimisə zamin kimi görmək istəyirlərsə, özləri qərar verməlidir”.
Belarus prezidenti vurğulayıb ki, insanların həlak olmasından və yoxsulluqdan əziyyət çəkməsindən siyasətdə vasitə kimi yararlanmaq olmaz: "Bu bizim bütün münaqişələrlə bağlı dəyişməz mövqeyimizdir".
Eldar Əlvanoğlu
AzVision.az
Teqlər: Azərbaycan Ermənistan Qarabağ Lukaşenko