Tələbələrimiz yola salındı

  28 Avqust 2013    Oxunub : 356
Tələbələrimiz yola salındı
Avqustun 27-də Təhsil Nazirliyində Rusiya Federasiyası və Çin Xalq Respublikasının ali məktəblərində müvafiq ikitərəfli sənədlər əsasında təhsil almaq hüququ qazanmış tələbələrlə görüş keçirilib.
Təhsil Nazirliyindən AzVision.az-a verilən məlumata görə, 2013-2014-cü tədris ilində Rusiyanın ali məktəblərində 27, Çinin ali məktəblərində isə 18 azərbaycanlı tələbə dövlət xətti ilə təhsil almaq hüququ əldə edib.

Görüşdə tələbələr təbrik olunub və onlara təhsildə uğurlar arzu edilib. Həmin tələbələrin təhsil alacaqları ölkələrdə Azərbaycanı layiqincə edəcəklərinə və vətənə qayıtdıqdan sonra yüksək səviyyəli mütəxəssis kimi respublikamızın inkişafı prosesinə töhfə verəcəklərinə əminlik ifadə olunub.

Daha sonra görüşdə iştirak edən tələbələrə təhsil alacaqları ölkə və ali məktəblərlə bağlı zəruri məlumatlar verilib.

Teqlər: