Namizədlər facebookda seçki kampaniyasından danışdılar

  28 Avqust 2013    Oxunub : 449
Namizədlər facebookda seçki kampaniyasından danışdılar
Gənc fəal, Harvard Universitetinin məzunu Bəxtiyar Hacıyevin seçkiqabağı təşviqat kampaniyası aparmaq istəyi ilə Mərkəzi Seçki Komissiyasına müraciət etməsi ictimaiyyətdə maraqla qarşılanıb. B.Hacıyev öz Facebook profilində prezidentliyə namizədlərə ödənişli təşviqat imkanları (örtük və profil fotolarının dəyişməsi, foto, video və status paylaşmaq və s) təklif edib.Prezidentliyə namizədlərin də Bəxtiyar Hacıyevin təklifinə münasibətləri bir mənalı olmayıb.

Müasir Müsavat Partiyasının sədri Hafiz Hacıyev AzVision.az-a açqılamasında Bəxtiyar Hacıyevin təklifini müsbət qarşıladığını deyib:

-Namizədliyim təsdiqlənəndən sonra bu məsələyə baxa bilərik. Hər halda lazım olsa, sosial şəbəkələrdə biz də öz təbliğatımızı apara bilərik. Bu, pullu təbliğat-təşviqat kampaniyasıdır. Alqışa layiq bir təklifdir. Bu təklifi süngü ilə qarşılamağa ehtiyac yoxdur. Bəxtiyar mənim əmimoğludur, onunla məsləhətləşib, sonra fikrimi bildirəcəm”.

Azadlıq partiyasının sədri Əhməd Oruc:

-Söhbətin nədən getdiyini dəqiq bilmirəm. Ona görə də indi hə, yox,demək doğru çıxmaz. Indiki şəraitdə əsas imzaların toplanmasıdır.

Ümid Partiyasının sədri, millət vəkili İqbal Ağazadə :

-Biz artıq imzaları təhvil vermişik. Bu barədə Bəxtiyar Hacıyevlə görüşüb söhbət edəcəyik.

Azərbaycan Sosial-Demokrat partiyasının sədri Araz Əlizadə :

-Gərək nə qədər özünə hörmət etməyəsən ki, sosial şəbəkədə sənin seçki təşviqatın aparılsın. Mənim balıq Hafizin qardaşı oğluna verməyə pulum yoxdur.

Nihadə Eyyubova

Teqlər: