Putindən MDB ölkələrinə terror xəbərdarlığı
O, qeyd edib ki, terrorla mübarizə davam etdirilməldir: “Sankt-Peterburq metrosunda partlayış təsdiq edir ki, təəssüf ki, vəziyyətin yaxşılaşdığını görə bilmirik. Hazırda bütün MDB ölkələri terror aktının potensial hədəfi halındadır”.
O, qeyd edib ki, MDB ölkələrində təhlükəsizlik baxımından əsas təhdidlər mütəşəkkil cinayətkarlıq, narkotik ticarəti, eləcə də xarici qüvvələrin MDB ölkələrində siyasi vəziyyətə təsiridir.
Putin, həmçinin əmin olduğunu bildirib ki, toplantı iştirakçıları vacib məsələləri ətraflı müzakirə edəcək və ən perspektivli əməkdaşlıq istiqamətlərini müzakirə edəcəklər.
Qeyd edək ki, görüşdə Azərbaycanın Dövlət Təhlükəsizliyi Xidmətinin rəisi, general-leytenant Mədət Quliyev və Xarici Kəşfiyyat Xidmətinin rəisi, general-mayor Orxan Sultanov da iştirak edib.
İlkin Nəcəfzadə
AzVision.az