Sərdar Cəlaloğlu namizədliyini irəli sürdü

  28 Avqust 2013    Oxunub : 571
Sərdar Cəlaloğlu namizədliyini irəli sürdü
Bu gün Azərbaycan Demokrat Partiyası (ADP) Ali Məclisinin sessiyası keçirilib.

ADP-dən verilən məlumata görə, sessiyada yalnız bir məsələyə baxılıb. Ali Məclis ADP İdarə Heyətinin partiyanın prezident seçkilərində iştirakı, təşkilatın sədri Sərdar Cəlaloğlunun namizədinin irəli sürülməsi təklifinin dəstəklənməsinə dair qərar qəbul edib.

İclasda Təşəbbüs Qrupu və Seçki Qərargahının formalaşdırılmasına, S. Cəlaloğlunun namizədliyinin təsdiq olunması üçün sənədlərin tez bir zamanda Mərkəzi Seçki Komissiyasına təqdim olunmasına dair də qərarlar verilib. Bundan başqa, S. Cəlaloğlunun səlahiyyətli nümayəndələri müəyyənləşib.

S. Cəlaloğlu açıqlamasında namizədliyinin irəli sürülməsi ilə bağlı müvafiq sənədlərin günün ikinci yarısında MSK-ya təqdim ediləcəyini bildirib. (apa)

Teqlər: