Trampın oğlu Madonna və Rihannanı ölkədən qovmaq istəyir

Trampın oğlu Madonna və Rihannanı ölkədən qovmaq istəyir
  10 Aprel 2017    Oxunub:2086
ABŞ prezidenti Donald Trampın oğlu kiçik Donald Tramp şou-biznes ulduzlarına Respublikaçı namizədin (atasını nəzərdə tutur-red) seçkilərdə qalib gələcəyi təqdirdə ölkəni tərk edəcəklərinə dair verdikləri sözləri xatırladıb.
AzVision.az xəbər verir ki, bu barədə oğul Donald Tramp “Twitter” sosial şəbəkəsində bloqqerlərdən birinin sualını cavablandırarkən deyib:

“Solçuları dəstəkləyən fransız məşhurlar əgər Le Pen (“Milli Cəbhənin” lideri) qalib gəlsə, yaşamaq üçün Kanadaya köçəcəklərini deyib. Görəsən, mən bunu harada eşidə bilərdim?”, - deyə bloqqer yazıb.

Tramp buna cavab verib: “Mən özüm də hələ məşhurların bunu edəcəklərinə dair verdikləri sözləri yerinə yetirmələrini gözləyirəm”.

Qeyd edək ki, daha əvvəl onlarla ABŞ şou-biznes nümayəndəsi Trampın prezident seçiləcəyi təqdirdə ölkəni tərk edəcəyini bildirmişdi.

Xatırladaq ki, Ledi Qaqa, Rihanna, Madonna kimi dünya məşhurları seçki ərəfəsində Donald Trampa qarşı çıxmışdılar. Bu səbəbdən prezidentin oğlu onların ABŞ-dan getməsini istəyir.

Eldar Tanrıverdiyev
AzVision.az


Teqlər: ABŞ   Tramp  





Xəbər lenti