Amerikalı müğənni Kürdəmirdə konsert verəcək
Bakidakı qala ziyafətdən sonra Qabriel Stravelli və onun qrupu Azərbaycanın müxtəlif yerlərində ABŞ-Azərbaycan diplomatik əlaqələrinin 25 illiyinə həsr olunmuş tədbirlərdə çıxış edəcəklər. Qabriel Stravelli Azərbaycana bir daha səfər etməyindən çox məmnundur. Bundan öncə o, ABŞ-ın Dövlət Departamentinin Amerika Musiqisinin Xaricdə Təbliği proqramı çərçivəsində Azərbaycana ilk dəfə 2015-ci ilin noyabr ayında səfər etmişdir. Sözügedən proqram tanınmış Amerikalı musiqiçilərinin digər ölkələrə səfərini təşkil edərək mədəniyyət sahəsində qarşılıqlı anlayışı və əməkdaşlığı inkişaf etdirir.
Müxtəlif mükafatlar qazanmış Qabriel Stravelli həm özünün orijinal mahnılarının ifası, yeni Amerika mahnılarının ifası, həm də Dyuk Ellinqton, Dolli Parton və Conni Merser kimi müsiqiçilərin sənətlərindən bəhrələnməklə dinləyicilərin rəğbətini qazanmışdır. Qabrielin lirikası Deyvid Finklinin “fərdi expressiyanın təcəssümü” adlandırdığı xüsusi bir həssaslığa malikdir. Qabriel bu yaxında Nyu-Yorkun Metropoliten zalında Nyu York Tayms, Vall Strit Cornal və Haffinqton Post da daxil olmaqla mətbuatın tərifini qazanmış solo ifalar etmişdir. Keçən payız o, Uinton Marsalis və Linkoln Mərkəzinin Orkestrı ilə ABŞ-da turneyə çıxmış və Marsalisin Həbəşistan adlı Qospel üslubunda mahnı ifa etmişdir.
Azərbaycanda səfərdə olan musiqi qrupu Xaçmaz, Salyan, Kürdəmir və Gəncə şəhərlərində ictimayi konsertlərlə çıxış edəcək və yerli müsiqiçilər üçün ustad dərsləri keçirəcəklər.
Qabriel Stravellinin konsertləri ödənişsiz və ictimaiyyət üçün açıqdır.
13 aprel Xaçmaz Heydər Əliyəv Mərkəzi 15:30-16:30
14 aprel Salyan Kür Otelinin 15:30-16:30
15 april Kürdəmir Mədəniyyət Evi 15:30-16:30
16 april Gəncə Gənclər Yaradıcılıq Mərkəzi 15:30-16:30
Eldar Tanrıverdiyev
AzVision.az
Teqlər: ABŞ