Əflan İbrahimov “EL”dən qovuldu

  30 Avqust 2013    Oxunub : 474
Əflan İbrahimov “EL”dən qovuldu
AzVision.az xəbər verir ki, bu barədə virtualaz.org-a açıqlamasında “EL” Hərəkatının üzvü, politoloq Zəfər Quliyev məlumat verib.
O bildirib ki, toplantıda “EL”in Milli Şurada təmsil olunması və son zamanlar təşkilatla bağlıyaranan qalmaqallar müzakirə olunub: “EL” Hərəkatının sıravi bir üzvü Əflan İbrahimovun saxta və böhtanlı yazısına görə təşkilata qarşı ciddi kampaniya aparılır. Təşkilatın rəhbəri prokurorluğa çağırılıb və izahatı alınıb. Biz bu vəziyyəti də müzakirə etdik, dəyərləndirdik və qətiyyətlə pislədik. Qərara gəldik ki, “EL” Hərəkatını bu cür kampaniyalarla sarsıtmaq və yolundan döndərmək mümkün deyil. Bu kampaniyanı “EL”-ə qarşı başladan Əflan İbrahimov təşkilatın sıralarından bir dəfəlik uzaqlaşdırıldı”.

Z.Quliyev EL-in bundan sonrakı fəaliyyəti ilə bağlı da müzakirələrin aparıldığını söylədi: “Biz qərar verdik ki, EL-in təşkilatlanma prosesi gücləndirilsin, təşkilata yazılmaq istəyən yeni üzvlərin qeydiyyata alınması sürətləndirildsin. Həmçinin təşkilatın İdarə Heyətinin tərkibi genişləndiriləcək. Həmin şəxslərin kim olması bu gün keçirilən iclasda müzakirə olundu. Ali Məclisin də formalaşması prosesi gedir. Regionlarda “EL” Hərəkatının təşkilatlarının yaradılması prosesi daha da sürətləndiriləcək”.

Onun sözlərinə görə, toplantıda “EL” Hərəkatının atributları ilə bağlı müzakirələr aparılıb: “EL” Hərəkatının emblemi və bayraqları var. Bu gün də təşkilatın başqa atributlarını hazırlanması müzakirə olundu. “EL” Hərəkatının emblemi ilə xüsusi köynəklərin, plakatların və “kepka”ların hazırlanması qərara alındı”.

AzVision.az

Teqlər: