Azərbaycan atleti Avropa çempionu oldu

Azərbaycan atleti Avropa çempionu oldu
  17 İyul 2017    Oxunub:2065
Polşanın Bıdqoş şəhərində 23 yaşadək idmançılar arasında atletika üzrə Avropa çempionatına yekun vurulub.
Çempionatda üç təkanla tullanma yarışlarında ölkəmizi təmsil edən Nazim Babayev 17,18 metr nəticə ilə turnirin qalibi olub. Bu nəticə ilə atletimiz şəxsi rekordunu yeniləyib.

Finlandiyalı Simo Lipsanen yarışı ikinci, Almaniya təmsilçisi Maks Heb isə üçüncü pillədə başa vurublar.

Avropada öz yaşıdları arasında birinci olan Nazim Babayev böyüklərdə yalnız İtaliya idmançısı Fabrizio Donatodan geri qalır.

Qeyd edək ki, Nazim Babayev 2015-ci ildə İsveçin Eskilstuna şəhərində yeniyetmələr arasında Avropa çempionatının qalibi olub. Atlet, həmçinin cari ildə Bakıda təşkil olunan IV İslam Həmrəyliyi Oyunlarının da çempionudur. (AzərTAc)

AzVision.az


Teqlər:





Xəbər lenti