Cüdoçumuz erməniyə qalib gələrək Avropa çempionu oldu

Cüdoçumuz erməniyə qalib gələrək Avropa çempionu oldu
  17 Sentyabr 2017    Oxunub:5662
Sloveniyada gənc cüdoçular arasında keçirilən Avropa birinciliyinin fərdi yarları başa çatıb.

Cüdo Federasiyasından AzVision.az-a verilən məlumata görə, mötəbər yarışın ikinci günü də cüdoçularımız üçün uğurlu olub.
100 kq çəki dərəcəsində mübarizə aparan Zelim Kotsoyev bütün rəqiblərinə qalib gələrək Avropa çempionu adını qazanıb.

Azərbaycan cüdoçusu finala gedən yolda Slovakiya, İsveçrə və Polşa təmsilçilərini məğlub edib.

Milli komandamızın üzvü Avropa birinciliyinin həlledici görüşündə Rusiyanı təmsil edən erməni əsilli cüdoçu Arman Adamyana qalib gələrək qızıl medala layiq görülüb. Beləliklə Azərbaycan cüdoçuları qitə birinciliyində 3 qızıl, 2 gümüş və 2 bürünc medal qazanaraq komanda hesabında birinci yeri tutublar. Hollandiya millisi 2-ci, Rusiya komandası isə 3-cü olub.

AzVision.az


Teqlər: Cüdo   Çempion  





Xəbər lenti