Azərbaycanın şahmat millisi Avropa Çempionu oldu - Yenilənib

  06 Noyabr 2017    Oxunub : 6156
Azərbaycanın şahmat millisi Avropa Çempionu oldu - Yenilənib

Yunanıstanın Krit adasında keçirilən Avropa komanda çempionatında Azərbaycanın kişi şahmatçılarından ibarət yığması qalib olub.

Bu gün keçirilən sonuncu - doqquzuncu turda komandamızın Ukrayna yığması ilə oyunu 2:2 hesabı ilə yekunlaşıb. Azərbaycan-Ukrayna matçında Şəhriyar Məmmədyarov-Pavel Elyanov, Teymur Rəcəbov-Yuri Krivoruçko, Arkadi Naydiç-Ruslan Panomaryov və Rauf Məmmədov-Martın Kravtsiv görüşləri heç-heçə yekunlaşıb.

Ukrayna komandası ilə heç-heçə oynayan şahmatçılarımız turniri 14 xalla başa vurublar. Sonuncu turda Almaniya yığmasını məğlub edən Rusiya komandası da xallarını 14-ə çatdırıb.

Əlavə əmsalların cəminə görə yekunda Azərbaycan yığması turnir cədvəlində ilk yeri tutaraq çempion adını qazanıb. Rusiya və Ukrayna komandaları ikinci və üçüncü yerləri bölüşürlər.



***

Yunanıstanda təşkil olunan Avropa komanda çempionatının sonuncu-9-cu turu keçirilib.

Azərbaycanın kişi şahmatçılarından ibarət yığması Ukrayna komandası ilə qarşılaşıb. Azərbaycan-Ukrayna matçında Şəhriyar Məmmədyarov-Pavel Elyanov, Teymur Rəcəbov-Yuri Krivoruçko, Arkadi Naydiç-Ruslan Panomaryov və Rauf Məmmədov-Martın Kravtsiv görüşləri keçirilib.

Bütün cütlüklər heç-heçə oynayıb. Qarşılaşma 2:2 hesabı ilə başa çatıb.

9 turdan sonra Azərbaycan komandası çempionata liderlik edir (15 xal), 2-ci və 3-cü yerləri isə Rusiya ilə Ukrayna bölüşürlər. Çempionatın qalibi hal-hazırda keçirillən Rusiya-Almaniya qarşılaşmasından sonra bəlli olacaq.

AzVision.az

Teqlər: Şahmat