Cocuq Mərcanlıya ikinci köç: Siyahı hazırlanır (VİDEO)

  20 Noyabr 2017    Oxunub : 2356
Cocuq Mərcanlıya ikinci köç: Siyahı hazırlanır (VİDEO)

Cəbrayıl rayonunun işğaldan azad edilmiş Cocuq Mərcanlı kəndində yenidənqurma işlərinin ikinci mərhələsi başa çatıb. Artıq kəndə köçürüləcək ailələrin siyahısının hazırlanmasına başlanılıb.

Cocuq Mərcanlıda bütün infrasturuktur qurularaq qəsəbəyə kommunal xətlər çəkilib. Qəsəbədaxili yollara asfalt örtüyü döşənib.

Uzun illərdən bəri istifadəsiz qalmış əkinə yararlı torpaqların yenidən əkin dövriyyəsinə qatılması nəzərdə tutulub. Bunun üçün kənd ərazisində təhlükəsiz yerdən torpaq sahələri ayrılıb.

Kəndə yaşayan ailələrə əkin-biçinlə məşğul olmaqla yanaçı, heyvandarlığın inkişaf etdirilməsi üçün dövlət tərəfindən dəstək veriləcək. Artıq qəsəbədə əkin sahələrinin suvarılması üçün nasos stansiyası tikilib. Bu stansiyadan Füzulinin cəbhə xəttinə yaxın yaşayış məntəqələrində yaşayan sakinlər də istifadə edəcəklər.

Kənd təsərrüfatında istifadə olunacaq torpaq sahələrindən nümunələr götürülərək laboratoriyalara göndərilib. Qəsəbədə istehsal olunacaq məhsullar Cocuq Mərcanlı adı ilə dünyaya ixrac olunacaq.



Şamxal Cəliloğlu
AzVision.az

Teqlər: Cocuq-Mərcanlı