“Qəbələ”dən Mahir Mədətova etiraz: “Qriqorçuku məsxərəyə qoyub”

  04 Yanvar 2018    Oxunub : 701
“Qəbələ”dən Mahir Mədətova etiraz: “Qriqorçuku məsxərəyə qoyub”

“Qəbələ” klubu “Qarabağ”ın və Azərbaycan milli komandasının futbolçusu Mahir Mədətovla bağlı bəyanat yayıb.

AzVision.az-ın məlumatına görə, bəyanatda deyilir: “31.12.2017-ci il tarixində “CBC Sport” telekanalının efirində “Qış nağılı” verilişi yayımlanıb. Verilişin qonaqlarından biri milli komandamızın və “Qarabağ” Futbol Klubunun üzvü Mahir Mədətov olub.

Mədətov verilişin formatına uyğun olaraq, maraqlı əhvalat nəql edərkən mövzu kimi "Qəbələ"nin baş məşqçisi Roman Qriqorçukla futbolçular arasında olan dialoqu seçib və bunu özünəməxsus şəkildə təqdim edib.

Qəbələ” İdman Klubu futbolçunun bu çıxışını peşəkar idmançıya yaraşmayan, məsuliyyətsiz, qeyri-etik addım kimi dəyərləndirir, uydurma əhvalatın ictimailəşdirilməsini və uğursuz gülüş obyektinə çevirmək istəyini qınayır.

Hesab edirik ki, belə şüursuz açıqlamalar, baş məşqçimiz Roman Qriqorçukun məsxərəyə qoyulması, onun və klubumuzun imicinə xələl gətirməklə yanaşı, ictimaiyyətdə yalnış fikir formalaşdırmağa xidmət edir. Bütün bunları nəzərə alaraq, “Qarabağ” klubunun gənc futbolçusu haqqında ölçü götürməsini, Mahir Mədətovun etdiyi hörmətsizliyə görə “Qəbələ” klubundan və Qriqorçukdan üzr istəməsini gözləyirik”.

AzVision.az

Teqlər: Qəbələ   Mahir-Mədətov