Mingəçevir Teatrının 50 illiyi qeyd olunacaq

  02 Fevral 2018    Oxunub : 1062
Mingəçevir Teatrının 50 illiyi qeyd olunacaq
Prezident İlham Əliyev fevralın 2-də “Mingəçevir Dövlət Dram Teatrının 50 illiyi haqqında” Sərəncam imzalayıb.

Sərəncamda bildirilir ki, 2018-ci ilin mart ayında Mingəçevir Dövlət Dram Teatrının 50 illiyi tamam olur.
Mingəçevir Dövlət Dram Teatrı mədəniyyət ocağı kimi yarandığı vaxtdan etibarən repertuarında Azərbaycan və eləcə də dünya dramaturgiyasının diqqətəlayiq nümunələrinə geniş yer verib, öz səhnəsində müvəffəqiyyətlə nümayiş etdirilən və tamaşaçılar tərəfindən rəğbətlə qarşılanan əsərlər ilə ölkədə teatr ənənələrinin daha da zənginləşdirilməsi işində yaxından iştirak edib, milli mədəniyyətin ümumi tərəqqisi naminə xidmətlər göstərib.

Sərəncamda Mədəniyyət və Turizm Nazirliyinə Mingəçevir Dövlət Dram Teatrının 50 illik yubileyinə həsr olunmuş tədbirlər planını hazırlayıb həyata keçirmək tapşırılıb.

AzVision.az

Teqlər: Mingəçevir-Dövlət-Dram-Teatrı   İlham-Əliyev