Bələdiyyələrlə bağlı məruzə plenar iclasa çıxarılır

Bələdiyyələrlə bağlı məruzə plenar iclasa çıxarılır
  06 Fevral 2018    Oxunub:1470
Milli Məclisin (MM) Regional məsələlər komitəsinin bu gün keçirilən iclasında Ədliyyə Nazirliyi yanında Bələdiyyələrlə iş mərkəzinin-bələdiyyələrin fəaliyyətinə inzibati nəzarəti həyata keçirən orqanın illik məruzəsi müzakirə olunub.
AzVision.az xəbər verir ki, məruzəni ədliyyə nazirinin müavini Vilayət Zahirov təqdim edib. Nazir müavini bildirib ki, 2017-ci ildə bələdiyyələrin fəaliyyətində aşkar olunan nöqsanlar əvvəlki illərə nisbətən azdır.

Deputatlar məruzə ilə bağlı fikirlərini bildiriblər. Müzakirələrdən sonra bələdiyyələrin fəaliyyətinə inzibati nəzarəti həyata keçirən orqanın illik məruzəsi parlamentin plenar iclasına tövsiyə olunub.

Anar Kəlbiyev
AzVision.az


Teqlər: Milli-Məclis   Bələdiyyə   Ədliyyə-Nazirliyi  





Xəbər lenti