Dünya çempionatının kuboku Bakıya gətirildi - FOTOLAR

  09 Fevral 2018    Oxunub : 1238
Dünya çempionatının kuboku Bakıya gətirildi - FOTOLAR
Futbol üzrə dünya çempionatının kuboku Azərbaycana gətirilib.
Ölkəmizə xüsusi təyyarə ilə gətirilən kuboku Fransa millisinin heyətində 1998-ci ilin dünya çempionu Kristian Karambö müşayiət edib.

Kubokun Azərbaycana səfəri “Coca-Cola” şirkətinin AFFA ilə birgə əməkdaşlığı çərçivəsində təşkil olunub. Məqsəd futbol dünyasının ən ali mükafatını Azərbaycan azarkeşlərinə göstərməkdir.

Ötən ilin sentyabrında Rusiyada start götürən tur altı qitədən 50-dən çox ölkəni əhatə edəcək və doqquz ay ərzində 126 min kilometr məsafə qət edən kubok səyahətini futbol üzrə 2018-ci il dünya çempionatında başa vuracaq.

Qeyd edək ki, dünya Kuboku 6,142 kq çəkiyə malikdir və qızıldan hazırlanıb. Mükafatın orijinal dizaynı 1974-cü ildə yaradılıb. 2018-ci il dünya çempionatı 14 iyun - 15 iyulda Rusiyada keçiriləcək.















Eldar Tanrıverdiyev
Foto: Elvin Abdulla

AzVision.az

Teqlər: Dünya-Kuboku   Bakı