Azərbaycanda 11 əcnəbi saxlanılıb

  12 Fevral 2018    Oxunub : 597
Azərbaycanda 11 əcnəbi saxlanılıb
Dövlət Miqrasiya Xidməti tərəfindən qanunsuz miqrasiyaya qarşı keçi¬ril¬miş tədbirlər zamanı 7 nəfər Nepal, 3 nəfər Hindistan Respublikası və 1 nəfər Şri Lanka vətəndaşı saxlanılıb.
Xidmətdən AzVision.az–a verilən xəbərə görə, araşdırma zamanı Hindistanda fəaliyyət göstərən Deepak adlı şəxsin Ukrayna vətəndaşı Vladislav Kobil ilə əlbir olaraq əcnəbilərin Azərbaycana gətirilməsini təşkil etdiyi məlum olub. Belə ki, 3 nəfər Hindistan və 1 nəfər Şri Lanka vətəndaşının Avropaya getmək məqsədi ilə Deepaka müraciət etdiyi və onun həmin şəxslərin Azərbaycana göndərilməsini təşkil etdiyi aşkarlanıb.

Deepakın respublikamızda əcnəbilərə müvəqqəti yaşama icazəsi alınması üçün Vladislav Kobil ilə əlaqəyə girdiyi və sonradan onları Avropa ölkələrinə göndəriləcəkləri vədi ilə aldadaraq külli miqdarda vəsaitlərini mənimsədiyi məlum olub.

Eyni zamanda Deepakın 7 nəfər Nepal vətəndaşını da Azərbaycanda işlə təmin ediləcəkləri vədi ilə aldadaraq külli miqdarda ödəniş qarşılığında Azərbaycana göndərdiyi müəyyən edilib. Görülmüş tədbirlər nəticəsində əcnəbilərin Azərbaycana gətirilərək qanunsuz miqranta çevrilməsi və neqativ miqrasiya kanalının təşkil edilməsi cəhdinin qarşısı alınıb.

AzVision.az

Teqlər: Miqrasiya   Əcnəbi