“Sumqayıt” səfərdə qələbə qazandı

  10 Mart 2018    Oxunub : 624
“Sumqayıt” səfərdə qələbə qazandı
Bu gün Topaz Premyer Liqasının XIX turu çərçivəsində “Səbail” klubu “Bayıl Arena”da “Sumqayıt” komandası ilə qarşılaşıb.
Baş hakim Rəhim Həsənovun idarə etdiyi oyunda Sumqayıt təmsilçiləri minimal hesabla qalib gəliblər. Matçın ilk hissəsi qarşılıqlı hücumlar şəraitində keçsə də, qapılara qol vurulmayıb.

Fasilədən sonra qonaqlar hesabı açıblar. Oyunun 69-cu dəqiqəsində Amil Yunanov topu rəqib qapısından keçirib. Görüşdə başqa qol qeydə alınmayıb və matç qonaqların minimal hesablı qələbəsi ilə yekunlaşıb. Beləliklə, 1:0 hesabı ilə qalib gələn “Sumqayıt” xallarının sayını 31-ə çatdıraraq dördüncü sıradakı mövqeyini möhkəmləndirib. “Səbail” isə 17 xalla beşinci pillədə qərarlaşıb.

Tura “Qarabağ”–“Zirə” oyunu ilə yekun vurulub.

AzVision.az

Teqlər: Sumqayıt   Səbael