“Udsaq, bütün meydança boyu qaçacağam”

  04 Mart 2013    Oxunub : 402
“Udsaq, bütün meydança boyu qaçacağam”
“Real Madrid”in baş məşqçisi Joze Mourinyo martın 5-də İngiltərədə “Mançester Yuneyted”ə qarşı baş tutacaq Çempionlar Liqasının 1/8 final mərhələsinin cavab oyunu ilə əlaqədar mətbuat konfransı təşkil edib.
Hər iki komandanın görüş ərəfəsində yaxşı əhval-ruhiyyədə olduğunu deyən məşqçi : “Son oyunlarda qələbə qazanmışıq. Amma heç kim bilmir ki, sabah kim qalib gələcək. “Mançester” artıq mart ayında İngiltərə çempionluğunu qazanıb. Amma biz də güclüyük. Məhz bu səbəbdən sabah nə olacağını kimsə təxmin etmir. Bizim oyun zamanı dünya donacaq. Həqiqətən də bu oyun final statusu daşımağa layiqdir”.
Joze Mourinyo qeyd edib ki, bu günə qədər avrokuboklarda yüzdən artıq oyun keçirib: “Ona görə də əgər hətta uduzsaq belə, ağlamayacağam. Amma əgər udsaq, 2004-cü ildə olduğu kimi, bütün yüz metrlik meydança boyu qaçmağa başlayacağam”.

Joze Mourinyo Aleks Fergüssonla münasibətlərinin yaxşı olduğunu, şotlandiyalı mütəxəssisə böyük hörmət bəslədiyini bildirib. (qol.az)

Teqlər: