Derbi yarımçıq qaldı: Şenol Günəşin başı yarıldı (VİDEO)

Derbi yarımçıq qaldı: Şenol Günəşin başı yarıldı (VİDEO)
  20 Aprel 2018    Oxunub:3101
Türkiyə kubokunun yarımfinal matçında "Fənərbaxça" əzəli rəqibi "Beşiktaş"la cavab oyununa çıxıb.
AzVision.az xəbər verir ki, ilk 45 dəqiqə gərgin mübarizə şəraitində keçsə də, oyunda hesab açılmayıb. Matçın ikinci hissəsinin ilk dəqiqələri gərgin anlarla yadda qalıb.

"Beşiktaş"ın ehtiyat qapıçısı Tolqa Zəngin onu təhqir etdikləri üçün "Fənərbaxça"lı azarkeşlərlə mübahisə edib. "Beşiktaş"ın baş məşqçisi Şenol Günəş futbolçunu sakitləşdirməyə çalışıb. Bu zaman azarkeşlər tribunadan yad əşyalar atıblar. Nəticədə baş məşqçinin başı yarılıb. O, ambulansa xəstəxanaya aparılıb. Ş.Günəşin başına 5 tikiş qoyulub.

Baş hakim baş verənlərə görə görüşün təxirə salınmasına qərar verib.





AzVision.az


Teqlər: Beşiktaş   Fənərbaxça   Derbi  





Xəbər lenti