Gəncədə 10 min şam ağacı əkilib

  05 May 2018    Oxunub : 2355
Gəncədə 10 min şam ağacı əkilib
Gəncə şəhər İcra Hakimiyyəti və Yeni Azərbaycan Partiyası Gəncə şəhər Təşkilatı ilə birgə ulu öndər Heydər Əliyevin anadan olmasının 95-ci il dönümü münasibəti ilə ağacəkmə aksiyası təşkil edib.
AzVision.az xəbər verir ki, “Hərəyə bir ağac əkək” devizi ilə Heydər Əliyev park-kompleksinin ərazisində 10 min şam ağacı əkilib. Şəhər ictiamyyəti və partiya fəalları həmçinin təmizlik-abadlıq işləri aparıb, ərazini alaq otlarından, daşlardan təmizləyib, yeni əkilən ağacları suvarıb, əvvəllər basdırılan tinglərə aqrotexniki qaydada qulluq göstəriblər.



Aksiya gənclərin şən ifa və rəgsləri ilə müşayiət olunub. Qeyd edək ki, gənc fəallar hər həftə mütəmadi olaraq Heydər Əliyev park-kompleksinin ərazisində iməclik təşkil edərək, əkilən ağaclara qulluq göstərirlər.

AzVision.az

Teqlər: Gəncə