Zəlzələdən sonra xəstəxanalara 31 müraciət daxil olub - (VİDEO)

Zəlzələdən sonra xəstəxanalara 31 müraciət daxil olub - (VİDEO)
  06 İyun 2018    Oxunub:3484
İyunun 5-i axşam saat 22:40 radələrində Zaqatala rayonu ərazisində baş verən 6 bal gücündə zəlzələdə insan tələfatı qeydə alınmayıb.

Səhiyyə Nazirliyinin Mətbuat Xidmətindən AzVision.az-a verilən məlumata görə, zəlzələdən sonra insanlar arasında yaranan stress və isteriya səbəbindən Qax və Zaqatala Mərkəzi Rayon Xəstəxanalarının (MRX) Təcili Yardım Şöbələrinə 31 müraciət daxil olub.
Zaqatala rayonu Göyəm kənd sakini 63 yaşlı Soltan Qandaxov isə zəlzələdən həyəcanlanaraq stress keçirib. Qan təzyiqi yüksələn Soltan Qandaxov insult keçirərək vəfat edib.



Qeyd edək ki, Soltan Qandaxov əvvəllər də Zaqatala rayon kardioloji dispanser qeydiyyatında olub.

Qax şəhər sakini 13 yaşlı Gülər Durmuşzadə isə zəlzələ anında qaçmaq istəyərkən yıxılıb və ayağı burxulub. Qax MRX-a yerləşdirilən Gülər Durmuşzadəyə lazımi tibbi yardım göstərilib.

Aytən Zəhra
AzVision.az


Teqlər: Səhiyyə-Nazirliyi   Zəlzələ  





Xəbər lenti