Türkiyəyə 40 milyon turistin gələcəyi gözlənilir

  17 İyun 2018    Oxunub : 580
Türkiyəyə 40 milyon turistin gələcəyi gözlənilir
"İlin sonunadək Türkiyəyə gələn turistlərin sayı 40 milyona çata bilər. Bu da ölkəyə 32 milyard dollar gəlir gətirəcək"
AzVision.az xəbər verir ki, bunu Türkiyə prezidenti Rəcəb Tayyib Ərdoğan Antalyada keçirilən mitinqdə deyib.

Ərdoğan bildirib ki, bizim hədəfimiz bu il Antalyada 14 milyon turist qəbul etməkdir. Onun sözlərinə görə, Antalyaya gələn turistlərin sayı 2016-cı illə müqayisədə 57 faiz artaraq 10,5 milyon nəfərə çatıb.

"Türkiyə bu il Rusiyadan 6 milyon turist gözləyir. 2017-ci ildə ölkəni rekord sayda – 4,7 milyon rusiyalı turist ziyarət edib. Ümumilikdə isə ötən il Türkiyəyə turist axını 2016-cı illə müqayisədə 27,8 faiz artıb və 32,4 milyon nəfər olub", - deyə Ərdoğan qeyd edib.

AzVision.az

Teqlər: Türkiyə   Ərdoğan   Turist