"Neftçi" azarkeşlərinə müraciət edib

"Neftçi" azarkeşlərinə müraciət edib
  17 İyul 2018    Oxunub:10909
"Neftçi” PFK Avropa Liqasının birinci təsnifat mərhələsinin cavab oyunu çərçivəsində iyulun 19-da Bakı vaxtı ilə saat 23:00-da Macarıstanın paytaxtı Budapeştdəki "Ferents Susa” stadionunda "Uypeşt” klubu ilə qarşılaşacaq.
AzVision.az-ın məlumatına görə, "Neftçi” PFK bu oyunla bağlı azarkeşlərinə müraciət edib:

"Bu oyunda komandamızı dəstəkləməyə gələcək azarkeşlərimizin təhlükəsizliyinin təmin olunması üçün klubumuz tərəfindən ev sahibi "Uypeşt” klubuna, UEFA-ya və müvafiq qurumlara müraciət edilib. Lakin indiyə kimi heç bir qurumdan zəmanət məktubu almamışıq. "Neftçi” üçün azarkeşlərimizin təhlükəsizliyi çox önəmlidir. Bu səbəbdən indiki vəziyyətdə sizləri maksimum ehtiyatlı olmağa səsləyirik"-deyə müraciətdə qeyd olunub.

Qeyd olunub ki, müvafiq strukturlardan cavab məktubu gəldikdə əlavə məlumat veriləcək.

Xatırladaq ki, Bakıda keçirilən ilk oyunda "Neftçi" "Uypeşt"i 3:1 hesablı məğlubiyyətə uğratmışdı.

AzVision.az


Teqlər: Neftçi   Avroliqa  





Xəbər lenti