Güləşçimiz Avropa çempionatının finalında

Güləşçimiz Avropa çempionatının finalında
  01 Avqust 2018    Oxunub:12827
Romada güləş üzrə gənclər arasında Avropa çempionatı davam edir.
Çempionatın ikinci yarış günündə 60, 67, 72, 82 və 97 kiloqram çəkidə yunan-Roma güləşçiləri mübarizəyə qoşulub.

Məhəmmədəli Həsənov (67 kq) Çexiya və Moldovadan, Ülvi Qənizadə (72 kq) isə Ukrayna, Litva və Ermənistandan olan rəqiblərini üstələyərək yarımfinala vəsiqə qazanıb. Yarımfinalda hər iki güləşçimizin rəqibi Gürcüstan idmançıları olub.

Gərgin və maraqlı keçən qarşılaşmada rəqibini üstələyən Ü.Qənizadə finala yüksəlib. Həlledici görüşdə onun rəqibi Rusiya idmançısı olacaq.

Yarımfinalda uduzan Məhəmmədəli Həsənov isə bürünc medal uğrunda görüşə haqq qazanıb. Final görüşləri avqustun 1-də Bakı vaxtı ilə saat 20:00-da başlayacaq.

AzVision.az


Teqlər: Avropa-Çempionatı  





Xəbər lenti