Azərbaycan diplomatları Orxan Zeynalovla görüşə bilmir

Azərbaycan diplomatları Orxan Zeynalovla görüşə bilmir
  19 Oktyabr 2013    Oxunub:1154
Azərbaycan diplomatları Moskavının Biryulevo rayonunda Yeqor Şerbakovu qətlə yetirməkdə şübhəli bilinərək saxlanılan Orxan Zeynalovla hələ görüşə bilməyiblər.
AzVision.az xəbər verir ki,bu barədə Azərbaycanın Moskvadakı səfirliyinin mətbuat xidmətindən RİA Novosti-yə bildiriblər.

Mətbuat xidmətinin məlumatında deyilir: "Biz Rusiyanın Xarici İşlər Nazirliyinə təkrar nota göndərmişik. Xarici İşlər Nazirliyi ittiham olunan şəxslə əlaqə saxlamaq üçün müəyyən tədbirlər görsə də, onunla görüşmək hələ mümkün olmayıb. Biz oxşar xahişlə Rusiya İstintaq Komitəsinin sədri Aleksandr Bastrıkinə də müraciət etmişik və hazırda cavab gözləyirik".

Xatırladaq ki, Moskvanın Biryulevo rayonunda oktyabrın 10-da 25 yaşlı Yeqor Şerbakovun qətlə yetirilməsi yerli sakinlərin etirazına səbəb olub. Qatilin tapılmasını tələb edən yüzlərlə rus millətçi rayondakı "Biryuza" ticarət mərkəzi və "Pokrov" meyvə-tərəvəz bazasına hücum edərək, ticarət mərkəzində və bazarda çalışan Qafqaz və Orta Asyadan olan miqrantları döyüblər. Hadisə yerinə xüsusitəyinatlı polis dəstələri yeridilib. İğtişaş nəticəsində xeyli sayda miqrant və yerli sakin xəsarət alıb.

Hadisə baş verən gündən sonra Moskvada hərəsindən biri olmaqla Azərbaycan və Özbəkistan vətəndaşları xüsusi amansızlıqla qətlə yetiriliblər. Həmçinin, Orxan Zeynalovun tutulması zamanı ona qarşı işgəncə faktlarının yer aldığı görüntülər yayılıb.


Teqlər:





Xəbər lenti