Rusiya, Türkiyə və İran ABŞ-a qarşı birləşir

  31 Avqust 2018    Oxunub : 2175
Rusiya, Türkiyə və İran ABŞ-a qarşı birləşir
Rusiya, Türkiyə və İran prezidentləri sentyabrda İranda keçirilməsi nəzərdə tutulan üçtərəfli sammitdə ABŞ-ın Yaxın Şərqə münasibətdə yürütdüyü siyasəti müzakirə edəcəklər.


AzVision.az xəbər verir ki, bu barədə İran Xarici İşlər Nazirliyinin rəsmi nümayəndəsi Bəhram Qasımi açıqlama verib.
“Düşünürəm ki, bu sammit prezidentlərin həm üçtərəfli, həm də ikitərəfli formatda ölkələri arasındakı münasibətləri, bölgədəki son prosesləri, xüsusən də ABŞ-ın region ölkələrinə, hətta bu üç ölkəyə münasibətdə səhv siyasətini nəzərdən keçirmək və bu məsələləri müzakirə etmək üçün yaxşı imkan olacaq”, – deyə Qasımi vurğulayıb.

İran XİN rəsmisi üçtərəfli sammitin keçiriləcəyi tarixi açıqlamayıb. O, bildirib ki, yaxın zamanlarda rəsmi Tehran sammitin dəqiq vaxtını elan edəcək.

Qeyd edək ki, bundan əvvəl Kremlin sözçüsü Dmitri Peskov Rusiya, Türkiyə və İran prezidentlərinin üçtərəfli görüşünün Tehranda, Türkiyə XİN-in rəhbəri Mövlud Çavuşoğlu isə Rusiya və Türkiyə liderlərinin sammit çərçivəsində 7 sentyabrda görüşəcəklərini bəyan ediblər.

Leyla Elbrusqızı
AzVision.az

Teqlər: Türkiyə   İran   Rusiya   ABŞ