Braziliyanın milli muzeyi yandı, 20 milyon eksponat məhv oldu - VİDEO
AzVision.az“Globo” ya istinadən xəbər verir ki, yanğın nəticəsində muzey və onun içərisində saxlanılan 20 milyondan çox qiymətli maddi-mədəni eksponatlar tamamilə yanaraq kül olub.
Braziliya prezidenti insidentlə əlaqədar "Tvitter" səhifəsində məyusluğunu ifadə edib. Bildirib ki, yanğın nəticəsində 200 illik əmək, tədqiqatlar və elmi biliklər itirildi.
Qeyd edək ki, Rio-de-Janeyrodakı Braziliya milli muzeyi 1818-ci ildə Portuqaliya kralı VI Juan tərəfindən təsis edilib. Muzeydə Şimali və Cənubi Amerikada heyvanlar, minerallar, fosillər, mumiyalar və hindu qablarından ibarət ən iri kolleksiyalar təqdim olunurdu.
Leyla Elbrusqızı
AzVision.az