AzVision.az xəbər verir ki, bu barədə Britaniya parlamentinin dövlət büdcəsinin icraatı məsələləri üzrə komitəsinin hazırladığı hesabatda deyilir. Sənədə əsasən, 2018-ci ildə Britaniya ordusunda hərbi pilotlar zəruri olan və nəzərdə tutulan rəqəmdən 23%, mühəndislər 17%, kəşfiyyat analitikləri isə 26% əskikdir.

“2018-ci ilin yanvarında Böyük Britaniyanın Silahlı Qüvvələrində müntəzəm qaydada son illərin ən böyük kadr çatışmazlığı qeydə alınıb. Bu, çoxdan müşahidə olunan problemdir və 2022-ci ilədək orduda 8200 nəfər hərbi mütəxəssis çatızmazlığı probleminin öz həllini tapacağı gözlənilmir”, – deyə parlamentin hesabatında bildirilir.

Həmçinin vurğulanır ki, bu il çox az sayda qadın və etnik azlıq nümayəndələri Britaniya ordusunda xidmətə qəbul olunub.

Lakin kadr çatışmazlığı Britaniya Silahlı Qüvvələrinin yeganə problemi deyil. Britaniyanın Milli Maliyyə-Audit İdarəsinin mütəxəssisləri qeyd edirlər ki, 2017-2027-ci illərdə Birləşmiş Krallığın hərbi gəmilər, reaktiv təyyarələr və sualtı qayıqlar alması üçün hərbi büdcədə 21 milyard funt-sterlinq (təqribən 30 milyard ABŞ dolları) vəsait çatışmır.

Leyla Elbrusqızı
AzVision.az