Qısaca CISPG adlanlanan xüsusi hərbi şirkət fotoların altında terrorçuların ünvanına dəstək mesajları da yazıb: “CISPG niyə bu müdafiə heyətlərinə (PKK/YPG - red.) güvənir? Çox sadə, çünki işlədiyinizi görürük və yanında olmağa da söz veririk.”

Xüsusi hərbi şirkət əsasən hava yolu vasitəsilə tibbi yardım və təxliyyə əməliyyatları həyata keçirdiyini bəyan edir. Lakin CISPG-in rəsmi saytında və sosial şəbəkələrdəki hesablarında ona məxsus bir sıra muzdlu hərbçinin, çoxsaylı silahların və silahlı təlimlərin şəkilləri və bu haqda məlumatlar əks olunub. Məlumatları incələyən hərbi mütəxəssislər bu şirkətin Pentaqon tərəfindən YPG-yə xidmət etmək üçün kiraləyəndiyini bildiriblər.

Araşdırmalar nəticəsində CISPG-in Afrika və Yaxın Şərqdəki digər münaqişəli bölgələrdə də Pentaqonun sifarişlərini icra etdiyi aşkarlanıb. Ən maraqlı məqam isə 3 iyunda yayılan fotolarda İraqın Türkiyə ilə sərhədə yaxın Sincar bölgəsində CISPG muzdlu əsgərlərinin PKK terrorçuları ilə birlikdə patrul həyata keçirdiyi göstərilib.

CISPG-in təsisçisi və rəhbəri isə əsl adı bilinməyən və şəkli tapılmayan “Mr.Stark” adlı biridir. Xüsusi hərbi şirkətin önəmli simalarından biri, xüsusi layihələr koordinatoru Adrian Velasko isə ABŞ hərbi donanmasında 4 ildən çox müddətdə maliyyə və loqistika mütəxəsisi olub, anti-terror kursları keçib. Velaskonun Pentaqona xüsusi giriş icazəsinin olduğu bildirilir.

Qeyd edək ki, ABŞ 1997-ci ildə PKK-nı terror təşkilatı kimi tanıyıb. YPG qruplaşması isə Suriyada İŞİD-lə mübarizədə Vaşinqtonun müttəfiqidir.

Leyla Elbrusqızı
AzVision.az