Suriya Rusiyanın hərbi təyyarəsini vurdu
Rusiya Müdafiə Nazirliyinin sözçüsü İqor Konaşenkov deyib: “İsrail pilotları Rusiyaya məxsus təyyarəni qalxan olaraq istifadə etməklə Suriya hava hücumundan müdafiə sistemlərindən açılan atəşə açıq hala gətirib. Nəticədə F-16-dan çox böyük olan İl-20 təyyarəsi S-200 hava hücumundan müdafiə sistemlərindən atılan raketlə vurulub. İsrail bizi həyata keçirəcəyi əməliyyatdan sadəcə 1 dəqiqə öncə xəbərdar edib. İsrailin provakativ və düşməncə mövqe tutub. İsrailin bu hərəkətinə görə, lazımı cavabı vermə haqqını özümüzdə saxlayırıq”.
Hələlik İsrail tərəfi məsələ ilə bağlı açıqlama verməyib.
Qeyd edək ki, Rusiyaya məxsus 14 ekipajlı İl-20 tipli təyyarə Lazkiyə bazasına geri qayıdarkən Suriya sahillərindən 35 kilometr aralıda radarlardan itib. Həmin zaman sahil boyu ilə İsrailə məxsus 4 F-16 qırıcısı manevr edərək, Rusiyaya məxsus təyyarənin vurulmasına səbəb olub.
Kənan Məmmədov
AzVision.az
Teqlər: Rusiya Suriya İsrail Təyarə