Makron Tramp və Ruhani ilə görüşəcək

  19 Sentyabr 2018    Oxunub : 1523
Makron Tramp və Ruhani ilə görüşəcək
Fransa prezidenti Emmanuel Makron BMT Baş Assambleyasının 73-cü sessiyası çərçivəsində Nyu-Yorkda ABŞ prezidenti Donald Tramp və İran prezidenti Həsən Ruhani ilə görüşəcək.
AzVision.az xəbər verir ki, bu barədə “France-Presse” agentliyi Fransa prezidenti administrasiyasına istinadən məlumat yayıb.

Makronun Trampla 24 sentyabr, Ruhani ilə isə 25 sentyabrda görüşüb danışıqlar aparacağı planlaşdırılır. Fransa prezidenti həmçinin, Nyu-Yorkda BMT baş katibi Antoniu Quterreşlə də görüşəcək.

Qeyd edək ki, BMT-nin növbəti – 73-cü sessiyası dünəndən öz işinə başlayıb. Sessiyanın sədri Ekvadorun sabiq baş naziri Mariya Qarsesdir. 73-cü sessiya üzrə əsas tədbir və iclaslar, həmçnin çıxışlar isə 25 sentyabrdan start götürəcək və bir həftə davam edəcək. Bu müddət ərzində BMT zallarında 93 dövlət başçısı, 41 hökumət başçısı və 55 xarici işlər naziri geniş nitqlə çıxış edəcəklər.

Leyla Elbrusqızı
AzVision.az

Teqlər: Fransa   İran   ABŞ   BMT