Ruhani Trampla görüşmək istəmir: "Bizə qarşı səhv etdi"
AzVision.az "Anadolu" agentliyinə istinadən xəbər verir ki, Ruhani BMT Baş Assambleyasının 73-cü sessiyasında iştirak etmək üçün getdiyi ABŞ-da mətbuat konfransı keçirib.
Ruhani, həmçinin İranın Şimali Koreya ilə müqayisə edilməsinin doğru olmadığını diqqətə çatdırıb. İran rəhbəri, Trampın heç bir səbəb göstərmədən nüvə sazişindən çıxdığını, İran xalqının sanksiyalarla təhdid edildiyini vurğulayıb.
"Trampın addımları heç bir ümid vermir. Bu səbəbdən görüşün əhəmiyyətsiz olduğunu düşünürəm", - deyə Ruhani qeyd edib.
Qeyd edək ki, ABŞ prezidenti Donald Tramp Ruhani ilə görüşə hazır olduğunu bildirib.
AzVision.az