Azərbaycan Türkiyə və ABŞ-la birgə hərbi təlimlərə qatılacaq
Bildirilib ki, “Mavi Balina-2018” adı altında keçiriləcək təlimlərdə Türkiyənin hərbi hava və hərbi dəniz qüvvələri NATO, ABŞ, Azərbaycan, Bəhreyn, Əlcəzair, Qətər, Küveyt, Pakistan, Rumıniya və Səudiyyə Ərəbistanı Silahlı Qüvvələri ilə birlikdə sualtı qayıqlar əleyhinə döyüş tapşırıqlarını icra edəcək və təlimlərdə iştirak edən ölkələrlə suda və hava məkanında koordinasiyanı təşkil edəcək.
Aralıq dənizində 10 gün davam edəcək “Mavi Balina-2018” hərbi təlimlərinə Türkiyənin 4 freqatı, 5 sualtı qayığı, 2 sahil-nəzarət gəmisi, maddi-texniki dəstək gəmisi, 3 təyyarəsi və 6 helikopteri qatılacaq.
Qeyd edək ki, son illər Türkiyə öz müttəfiqləri ilə bu formatda hərbi təlimləri mütəmadi olaraq keçirir.
Leyla Elbrusqızı
AzVision.az
Teqlər: Türkiyə NATO Azərbaycan ABŞ