417 nəfərin həbsinə qərar verildi - Türkiyədən 2,5 milyard çıxarıblar

  02 Oktyabr 2018    Oxunub : 1490
417 nəfərin həbsinə qərar verildi - Türkiyədən 2,5 milyard çıxarıblar
Türkiyənin Maliyyə Cinayətlərinin İstintaqı Təşkilatı (MASAK) və İstanbul Maliyyə Cinayətlərilə Mübarizə İdarəsinin apardığı istintaq çərçivəsində 417 nəfərin həbsinə dair qərar qəbul edilib.

AzVision.az xəbər verir ki, bu barədə "Anadolu" agentliyi MASAK-a istinadən məlumat yayıb.
Qeyd olunur ki, İstanbul Cümhuriyyət Baş Prokurorluğu tərəfindən Türkiyənin iqtisadi-maliyyə təhlükəsizliyini hədəf alan hərəkət və şəxslərə qarşı aparılan dindirilmələr nəticəsində ABŞ-da yaşayan iranlılara pul ötürdüyü aşkarlanan 417 nəfərin həbsinə qərar verilib. Həmin şəxslərin ölkə xaricindəki 28 min 88 bank hesabına ümumilikdə 2,5 milyard türk lirəsi (təqribən 420 milyon ABŞ dolları) pul köçürdüyü üzə çıxıb.

Prokurorluğun qərarının icra edilməsi üçün İstanbul polisi əməliyyata başlayaraq təqsirləndirilənlərin həbsinə başlayıb. Əməliyyatlar çərçivəsində artıq 216 nəfər saxlanılıb.

Leyla Elbrusqızı
AzVision.az

Teqlər: Türkiyə   İran   ABŞ