“MISafeKid” əməliyyatı - İtkin düşən 123 uşaq tapılıb

  10 Oktyabr 2018    Oxunub : 1921
“MISafeKid” əməliyyatı - İtkin düşən 123 uşaq tapılıb
ABŞ xüsusi xidmət orqanlarının insan alverinə qarşı apardığı irimiqyaslı əməliyyat nəticəsində itkin düşən 123 azyaşlı uşaq tapılıb.
AzVision.az xəbər verir ki, bu barədə ABŞ Polisi məlumat yayıb.

Qeyd olunub ki, Miçiqan ştatında həyata keçirilən, kod adı “MISafeKid” olan əməliyyat zamanı 123 uşaq tapılıb və araşdıma nəticəsində məlum olub ki, onların hər biri axtarışada olan azayaşlılardır.

Hazırda ABŞ polisi uşaqların cinsi istismara məruz qalıb-qalmadığını araşdırır. Bununla belə, artıq 3 uşağa qarşı cinsi zorakılıq edildiyinə dair ciddi şübhələrin olduğu bildirilib. Əməliyyat prosesində tapılan uşaqların doğma ailələrinə qaytarılması təmin ediləcək, lakin bundan öncə 132 azyaşlının hər biri tibbi və psixoloji müayinədən keçiriləcək.

Leyla Elbrusqızı
AzVision.az

Teqlər: ABŞ   İnsanalveri